ہماچل پردیش کے وزیر ٹرانسپورٹ گوند سنگھ ٹھاکر نے ریاست میں پبلک ٹرانسپورٹ کی خدمات کو سماجی دوری کے اصولوں کے ساتھ یکم جون سے دوبارہ شروع کرنے کا اعلان کیا ہے۔
انہوں نے بتایا کہ لاک ڈاونکی وجہ سے ہماچل پردیش روڈ ٹرانسپورٹ کارپوریشن کو 160 کروڑ روپئے کا نقصان ہوا ہے جبکہ دیگر ٹرانسپورٹ سیکٹر کو تقریباً چھ سو کروڑ روپئے کا نقصان اٹھانا پڑا ہے۔
ریاستی وزیر نے بتایا کہ یکم جون سے نجی آپریٹرس کی دو ہزار بسیں بھی سڑکوں پر دوڑیں گی جبکہ اس میں صرف ساٹھ فیصد بیٹھنے کی گنجائش دستیاب رہے گی۔
انہوں نے بتایا کہ بس کرایوں میں کوئی اضافہ نہیں کیا جائے گا۔ ہر مسافر کےلیے ماسک کا استعمال لازمی ہوگا اور ڈرائیور و کنڈکٹر کےلیے ماسک، شیلڈ پہننا لازمی قرار دیا گیا ہے۔
مرکزی وزارت صحت کے مطابق ہماچل پردیش میں کورونا کے 276 کیسز درج کئے گئے ہیں جبکہ اس وبا سے پانچ اموات ہوئی ہیں۔
