گجرات کے آٹو رکشہ ڈرائیور کو اب یونیفارم پہننا لازمی

ریاستی حکومت کے محکمہ ٹرانسپورٹ کی جانب سے رکشہ ڈرائیور کو بلیو کلر کا یونیفارم پہننے کا حکم دیا گیا ہے۔ اس تعلق سے نوٹیفیکیشن بھی جاری کیا گیا ہے۔

گجرات حکومت نے گجرات کے آٹو رکشہ ڈرائیوروں میں اتحاد برقرار رکھنے کے لیے ان کو یونیفارم پہننے فیصلہ کیا ہے۔ واضح رہے کہ اب تک آٹو رکشہ ڈرائیور کی وردی مقرر نہیں کی گئی تھی لیکن اب حکومت نے رکشا ڈرائیور کو لازمی طور پر بلیو وردی پہننے کا نوٹیفیکیشن جاری کیا ہے۔

ریلوے اسٹیشن میں کام کرنے والے قلیوں کے لیے تو پہلے سے ہی یونیفارم پہننا لازمی ہے۔ تاہم فور اسٹار اور فائیو اسٹار ہوٹل کے کار ڈرائیور کے لیے بھی سفید یونیفارم پہننے کا رول ہے لیکن ایک لمبے عرصے کے بعد گجرات حکومت نے رکشا ڈرائیور کے لیے یونیفارم پہننے کا خیال پیش کیا۔

گجرات کے آٹو رکشہ ڈرائیور کو اب یونیفارم پہننا لازمی

اس تعلق سے گجرات حکومت کے مختلف رکشا ڈرائیوروں کے یونین کے ساتھ مشاورت کے بعد گجرات حکومت نے بلیو یونیفارم رکشہ ڈرائیوروں کو پہننے کی منظوری دی ہے۔

اس تعلق سے محکمہ ٹرانسپورٹ کے ڈپٹی سیکریٹری پرکاش مجومدار نے ایک بیان میں کہا ہے کہ گجرات موٹر وہیل ایکٹ 1989 کے 16 (ایچ) کے تحت ریاست میں آٹو رکشہ ڈرائیور کیلئے پہنے جانے والے کپڑوں کے اوپر نیلے رنگ کا ایپرن بطور وردی پہننا لازمی قرار دیا گیا ہے۔