ورکشاپ میں جوینائل پولیس افسران محکمہ آئی سی ڈی ایس ملازمین کے علاوہ ویلفیئر کمیٹی کے ممبران موجود تھے۔ جبکہ لیگل سروسز اتھارٹی کی سکریٹری رافعہ حسن خاکی نے مہمان خصوصی کی حیثیت سے ورک شاپ میں شرکت کی۔
اس موقع پر سماج میں بچوں پر ہو رہے جنسی استحصال کے بارے میں گفت و شنید کی گئی۔ اور والدین پر زور دیا گیا کہ وہ جنسی استحصال سے اپنے بچوں کو بچانے کے لیے ان کا خاص خیال رکھیں ۔
رافعہ حسن خاکی نے جنسی زیادتی کے شکار بچوں کے والدین سے اپیل کرتے ہوئے کہا کہ’ وہ (پوکسو) قانون یعنی پروٹیکشن آف چلڈرن فرام سیکشول آفینس ایکٹ کا سہارا لے کر انصاف حاصل کر سکتے ہیں۔‘
انہوں نے مزید کہا کہ ’قانونی لوازمات کا سارا خرچہ لیگل سروسز اتھارٹی کی جانب سے اٹھایا جائے گا۔‘