سشانت خودکشی معاملہ: دہلی ٹیکنیکل یونیورسٹی میں غم کا ماحول

پروفیسر آر سی نے بتایا کہ' 2003 میں سشانت سنگھ راجپوت نے دہلی ٹیکنیکل یونیورسٹی میں داخلہ لیا تھا اور اپنی انجینئرنگ کی تعلیم کا آغاز کیا تھا۔ سشانت نے کچھ ہی دنوں میں سب کے دل میں جگہ بنا لی تھی لیکن آج وہ ان کے دلوں میں یادیں چھوڑ کر جا چکے ہیں۔'

بالی ووڈ کے چمکتے ستارے سشانت سنگھ راجپوت نے اپنے ہی گھر میں خودکشی کرلی۔ نہ صرف بالی ووڈ بلکہ ان کی زندگی سے وابستہ ہر شخص غمزدہ ہے۔

قومی دارالحکومت کی دہلی ٹیکنیکل یونیورسٹی کے پروفیسر آر سی بھی ان کے بارے میں بات کرتے ہوئے جذباتی ہوگئے۔

انہوں نے بتایا کہ' 2003 میں سوشانت سنگھ راجپوت نے دہلی ٹیکنیکل یونیورسٹی میں داخلہ لیا تھا اور اپنی انجینئرنگ کی تعلیم کا آغاز کیا تھا۔

انہوں نے بتایا کہ' سوشانت نے کچھ ہی دن میں سب کے دل میں جگہ بنا لی تھی لیکن آج وہ ان کے دلوں میں یادیں چھوڑ کر جا چکے ہیں۔'

دارالحکومت دہلی کے شاہ آباد ڈیری میں واقع دہلی ٹیکنیکل یونیورسٹی کے اساتذہ، پروفیسر اور وائس چانسلر سبھی افسردہ ہیں ۔یہ اداسی اس یونیورسٹی کے سابق طالب علم اور بالی ووڈ کے روشن ستارے سوشانت سنگھ راجپوت کی موت کی وجہ سے ہے۔

سوشانت سنگھ راجپوت نے کالج کریئر کا آغاز دہلی ٹیکنیکل یونیورسٹی سے کیا تھا۔ پروفیسر آر سی سنگھ کہتے ہیں کہ اس خبر سے نہ صرف وہ بلکہ پوری یونیورسٹی میں بھی غم کا ماحول ہے۔