آئی پی ایس ورندا شکلا اور آئی پی ایس انکور اگروال کی کہانی انتہائی دلچسپ اور فلمی انداز میں ہے۔ دونوں بچپن میں ایک ساتھ کھیلے، اسکول میں ایک ساتھ تعلیم حاصل کی، محبت ہوئی، پھر دونوں ایک دوسرے کے مقابلے میں آگے بڑھنے کے لیے آئی پی ایس بن گئے، برسوں کی دوستی کے بعد ایک سال برس یہی عشق اپنے اختتام کو پہنچا اور شادی ہو گئی۔
اسے اتفاق کہتے ہیں کہ اب دونوں اس شہر میں ایک ساتھ کام کریں گے۔ فرق صرف اتنا ہے کہ ورندا میدان عمل میں انکور اگروال کی باس ہوں گی۔کمشنری نظام نافذ ہونے کے بعد دونوں کو گوتم بدھ نگر میں تعینات کیا گیا ہے۔
دراصل ، ضلع میں پولیس کمشنر سسٹم کے نفاذ کے بعد ایک نیا اتفاق دیکھا گیا ہے۔ جس میں لکھنؤ پولیس ہیڈ کوارٹرز میں تعینات ورنڈا شکلا کو ڈپٹی کمشنر آف پولیس (ڈی سی پی) گوتم بودھ نگر بنا دیا گیا تھا۔ وہ یہاں بطور ڈی سی پی ویمن سیفٹی تعینات ہیں جبکہ انکور اگروال کو تقریباً ایک ماہ قبل نوئیڈا سٹی کا ایس پی بنایا گیا تھا۔
کمشنری سسٹم نافذ ہونے کے بعد اب انہیں ایڈیشنل ڈپٹی کمشنر آف پولیس (ایڈیشنل ڈی سی پی) کے طور پر تعینات کیا گیا ہے۔ اس سے قبل وہ متھرا میں بطور اے ایس پی تعینات تھے۔
اس آئی پی ایس جوڑےکا تعلق اصل میں ہریانہ کے امبالا سے ہے ان دونوں نے امبالا کانوینٹ جیسس اور میری اسکول سے دسویں جماعت تک تعلیم حاصل کی ہے۔
اس کے بعد ورندا اکنامکس کی تعلیم حاصل کرنے امریکہ چلے گئے۔ جب کہ وہ خود الیکٹرانک انجینئرنگ کی تعلیم حاصل کرنے بیٹس پلانی سے راجستھان چلے گئے تھے۔
دوسری طرف تعلیم مکمل کرنے کے بعد ورندا شکلا نے امریکہ میں کام کرنا شروع کیا جبکہ انکور نے انجینئرنگ مکمل کرنے کے بعد ایک سال تک بنگلور میں ملازمت کی اس کے بعد وہ بھی امریکہ چلے گئے۔
ان دونوں نے امریکہ میں کام کرتے ہوئے سول سروسز کی تیاری شروع کردی، ورندا نے 2014 میں دوسری کوشش میں سول سروسز کا امتحان پاس کیا اور آئی پی ایس بن گئں اور ناگالینڈ کیڈر حاصل کیا۔
اس کے دو سال بعد انکور کو سنہ 2016 میں سول سروسز میں منتخب کیا گیا اور وہ آئی پی ایس بن گئے اور انہیں بہار کیڈر ملا۔انکور نے پہلی کوشش میں یہ امتحان پاس کیا ہے بعد میں یہ دونوں اترپردیش آگئے۔
آئی پی ایس انکور اگروال نے بتایا کہ نو فروری 2019 کو دونوں شادی کے بندھن میں بندھ گئے تھے ضلع کی تاریخ میں یہ پہلا موقع ہے جب ضلع میں آئی پی ایس جوڑے کی تقرری ایک ساتھ ہوئی۔
