کانگریس صدر سونیا گاندھی نے یہاں ایک بیان میں کہا کہ 'ملک کے نوجوانوں اور طلبا کی آواز کو ہر روز دبایا جارہا ہے۔ مودی حکومت کی شہ پر غنڈے بھارت کے نوجوانوں کے خلاف خطرناک تشدد کررہے ہیں۔ یہ قابل مذمت اور ناقابل قبول ہے۔'
سونیا گاندھی نے کہا کہ 'پوری کانگریس ملک کے نوجوانوں اور طلبا کے ساتھ ہے۔'
انہوں نے کہا کہ ہم جے این یو میں کل کے تشدد کی سخت مذمت کرتے ہیں اور اس کی آزاد عدالتی جانچ کا مطالبہ کرتے ہیں۔
کانگریس صدر نے کہا کہ بھارتیہ جنتاپارٹی حکومت کی شہ پر پولیس یا غیر سماجی عناصر ملک کے ہر تعلیمی کیمپس اور کالجوں میں گھس رہے ہیں۔ کل جے این یو کے اساتذہ اور طلبا پر بھیانک حملے کئے گئے جو اس کی علامت ہے کہ حکومت اختلاف رائے کی آواز دبانے کے لئے کسی بھی حد تک جائے گی۔
انہوں نے کہا کہ طلبا اور نوجوانوں کو کفایتی تعلیم، بہتر روزگار، بہتر مستقبل اور جمہوریت میں حصے داری کا حق چاہیے لیکن مودی حکومت ان موضوعات سے بچنا چاہتی ہے اور ان کو دبانا چاہتی ہے۔
