امیتابھ بچن نے جمعرات کی شب اپنے ٹویٹر پر ایک ویڈیو شیئر کی ہے جس میں وہ اودھی زبان میں نظم کے ذریعہ کورونا سے احتیاط برتنے کا پیغام دے رہے ہیں۔ اس نظم میں انہوں نے کہا کہ
بہوتیرے علاج بتاوے، جن جن مانس سب
کہ کر سنیں کہ کر ناہیں کون بتائی ای سب
کیو کہیس کلونجی پیسو، کیو آنولہ رس
کیو کہیس گھر ماں بیٹھو ہلو نہ ٹس سے مس
ایر کہین او بیر کہین کی ائیسا کچھ بھی، کرونا
بن صابن کے ہاتھ دھوئی کے، کیو کے بھیا چھوو نا
ہم، کہا چلو ہمہو کر دیت ہیں جیسن بولیں، سب
آوے دیو کورونا پھرونا ٹھینگوا دیکھاوب تب
واضح رہے کہ کرناٹک کے كلبرگی میں کورونا وائرس سے متاثر ایک بزرگ کی موت کے بعد جمعرات کو ملک میں اس انفیکشن سے موت کا پہلا معاملہ سامنے آیا ہے، فی الحال ملک میں کورونا وائرس سے متاثرین کی تعداد 73 ہے جبکہ دنیا میں اس وائرس سے اب تک 4600 سے زائد افراد ہلاک چکے ہیں۔