بڈگام میں دو منشیات فروش گرفتار

وسطی کشمیر کے ضلع بڈگام کے چاڈورہ علاقے میں دو منشیات فروشوں کو گرفتار کر کے ان کے قبضے سے منشیات برآمد کر لیا گیا ہے۔

تفصیلات کے مطابق پولیس نے مصدقہ اطلاع ملنے پر ایک چاڈورہ کراسنگ پر ناکہ لگایا تھا۔ ناکے کے دوران پولیس نے دو منشیات فروشوں کو گرفتار کیا اور تلاشی کے دوران پولیس نے ان سے 100 گرام چرس اور کوڈین فاسفیٹ کی 12 بوتلیں برآمد کیں۔

پولیس کے مطابق گرفتار شدہ منشیات فروشوں کی شناخت 21 سالہ عامر شفیع گنائی ولد محمد شفیع گنائی ساکنہ بچھر اور 22 سالہ توفیق احمد گنائی ولد محمد افضل گنائی ساکنہ بچھر کے طور پر ہوئی ہے۔

پولیس نے ان منشیات فروشوں کو پولیس سٹیشن چاڑورہ کے اندر حراست میں رکھا ہے۔ ابتدائی تحقیقات سے پتہ چلا کہ یہ شخص علاقے کے نوجوانوں میں منشیات فروخت کرتے ہیں اور اس کا غیر قانونی طور پر کاروبار کرتے ہیں۔ پولیس نے اس ضمن میں این ڈی پی ایس ایکٹ کے تحت ایف آئی آر درج کر کے تحقیقات شروع کردی ہے۔