چین میں بھارت کی نمائندگی کرنے کے لئے ڈی پی ایم آئی کے ڈائریکٹر تفہیم الرحمن نے آج انہیں گلدستہ پیش کیا ساتھ ہی شال پہنا کر عزت بخشی.
اس موقع پر تفہیم الرحمن نے کہا کہ ڈاکٹر فرزانہ بیگم کی صدارت میں راحت تنظیم کی شاندار کارکردگی رہی ہے.
یہ تنظیم ایک عرصے سے کشن گنج اور آس پاس کے اضلاع میں انسانی اسمگلنگ، جسم فروشی، گھریلو تشدد اور خواتین پر ہورہے دیگر مظالم کے خلاف کام کرتی رہی ہیں.
اس کے علاوہ وہ سیمانچل کے مختلف علاقوں میں جب بھی سیلاب کی صورتحال پیدا ہوتی ہے ڈاکٹر فرزانہ اپنی پوری ٹیم کے ساتھ سیلاب زدگان کی امداد میں مسلسل لگی رہتی ہیں.
ابھی حال ہی میں انہیں چین میں بھارت کی نمائندگی کرنے کا موقع ملا یقیناً یہ ہم سب کے لئے خوشی اور مسرت کی بات ہے.
وہیں اپنے خیالات کا اظہار کرتے ہوئے فرزانہ بیگم نے کہا کہ ہمارے معاشرے میں خواتین کے ساتھ بڑے پیمانے پر امتیاز ہوتا ہے.
یہ بھیدبھاو کہیں سے بھی درست نہیں ہے. سماج اس وقت تک ترقی نہیں کر سکتا جب تک کہ صنف کی بنیاد پر امتیازی سلوک ختم نہ ہو.
ڈاکٹر فرزانہ بیگم نے عزت بخشنے کے لئے تفہیم الرحمن کا شکریہ ادا کیا. ساتھ ہی یہ بھی کہا کہ ڈی پی ایم کے ذریعہ کشن گنج کے نوجوانوں کو روزگار کے شاندار مواقع پیدا ہوں گے.
