لال پورہ پانپورہ انکاؤنٹر ایک کامیاب آپریشن: ڈی آئی جی

ڈی آئی جی نے اس انکاؤنٹر کی جانکاری دیتے ہوئے کہا کہ  یہ آپریشن اس لیے طویل چلا کیونکہ جائے واردات پر عام شہریوں کو بحفاظت نکالنا فورسز کے لئے ایک بڑا چیلنج تھا۔

جنوبی کشمیر رینج کے ڈی آئی جی اتل گوئل نے لال پورہ انکاؤنٹر کو ایک کامیاب آپریشن قرار دیتے ہوئے کہا کہ اس میں نہ صرف ایک ملیٹینٹ نے سرینڈر کیا بلکہ سیکورٹی فورسز نے کئی عام شہریوں کی جان بھی بچائی۔

اننت ناگ میں میڈیا سے بات کرتے ہوئے ڈی آئی جی نے اس انکاؤنٹر کی جانکاری دیتے ہوئے کہا کہ یہ آپریشن اس لیے طویل چلا کیونکہ جائے واردات پر عام شہریوں کو بحفاظت نکالنا فورسز کے لئے ایک بڑا چیلنج تھا۔ ڈی آئی جی کے مطابق انکاؤنٹر کے مقام سے ہتھیار و گولی بارود و دیگر مواد بھی برآمد ہوا ہے۔

ڈی آئی جی نے مزید کہا کہ پنچایتی و ڈی ڈی سی انتخابات کے لئے جنوبی کشمیر میں ہر طرح کے سیکورٹی انتظامات کیے گئے ہیں۔ جبکہ مقامی اسکیت پسندوں کی جانب سے سرینڈر کرنا ایک خوش آئند قدم ہے۔