جنوبی کشمیر کے ضلع اننت ناگ کے آنگ متی پورہ علاقے میں سیکیورٹی فورسز کے ساتھ فائرنگ کے مختصر تبادلے کے بعد عسکریت پسند فرار ہونے میں کامیاب ہو گئے۔
سیکیورٹی فورسز نے آنگ متی پورہ میں عسکریت پسندوں کی موجودگی کے بعد تلاشی مہم شروع کر دی تھی۔ تلاشی کارروائی کے دوران گولیوں کی آواز سنائی دی۔
ذرائع نے بتایا کہ گاؤں میں چھپے ہوئے عسکریت پسندوں نے مشترکہ ٹیم پر فائرنگ کی، جس کے بعد دونوں جانب سے مختصر گولی باری ہوئی۔ سیکیورٹی فورسز نے مذکورہ گاؤں جانے والے سبھی راستوں کو خار دار تار سے بند کر دیا تھا۔ انہوں نے بتایا سرچ آپریشن کئی گھنٹوں تک جاری رہا، تاہم جائے وقوع سے عسکریت پسند فرار ہونے میں کامیاب ہو گئے جس کے بعد سرچ آپریشن ختم کر دیا گیا۔
بھارتی فوج کے شمالی کمان نے ٹویٹ کیا کہ کھنہ بل علاقے سے 5 کلو میٹر کے فاصلے پر ایک سرچ آپریشن شروع کیا گیا تھا، جس دوران عسکریت پسندوں نے فائرنگ کی۔
