ضلع اننت ناگ میں پہلگام کے ایک دور افتادہ علاقے سے تعلق رکھنے والے ایک خانہ بدوش کو اس وقت شدید حیرانگی ہوئی جب محکمہ بجلی نے انہیں 55889 روپے کا بجلی کا بل بھیجا۔
محمد شفیع چوپان مشہور سیاحتی مقام پہلگام کے کھلر سے تعلق رکھنے والے ایک خانہ بدوش ہیں جو صرف چھ ماہ ہی کھلر میں رہتے ہیں اور موسم گرما میں پہاڑوں پر رہائش اختیار کرتے ہیں۔
محمد شفیع چوپان نے ای ٹی وی بھارت کے ساتھ بات کرتے ہوئے کہا کہ ان کے علاقے میں بجلی زیادہ تر غائب ہی رہتی ہے اور صرف چھ ماہ کے لیے انہیں نصف لاکھ بجلی کا بل کیسے ارسال کیا گیا ہے۔
انہوں نے کہا کہ وہ قریب 56 ہزار بجلی کا بل ادا کرنے سے بالکل قاصر ہے کیونکہ وہ محنت مزدوری کرکے مشکل سے اپنے اور اہل و عیال کے لیے نان شبینہ جٹا پاتے ہیں۔ تاہم انہوں نے حیرانگی کا اظہار کرتے ہوئے کہا کہ محکمہ بجلی نے انہیں اتنا بل کیوں کر ارسال کیا ہے۔
انہوں نے انتظامیہ خصوصا محکمہ بجلی سے نظر ثانی کی اپیل کرتے ہوئے بجلی بل میں تخفیف کا مطالبہ کیا ہے۔
