یوراج سنگھ نے کہا کہ میں دنیا کے دیگر ٹی 20 لیگ میں کھیلنا چاہتا ہوں لیکن اور ریٹائرمنٹ سے پہلے بی سی سی آئی کسی بھی کھلاڑی کو غیر ملکی لیگ کھیلنے کی اجازت نہیں دیتا اور اب جبکہ میں نے بین الاقوامی کرکٹ سے سبکدوشی کا اعلان کر دیا ہے تو بورڈ کو اس کی اجازت دینے میں کوئی پریشانی نہیں ہوگی۔
یوراج سنگھ نے کہا کہ میں اس عمر میں بھی کھیل کا مزہ لینا چاہتا ہوں، اور مزید ٹی 20 میچز کھیلنا چاہتا ہوں اور اپنی زندگی کا لطف اٹھانا چاہتا ہوں۔
واضح رہے کہ یوراج سنگھ کافی وقت سے ٹیم سے باہر چل رہے تھے اور آئی پی ایل میں بھی زیادہ مواقع نہیں مل رہے تھے۔
بھارتی کرکٹ کنٹرول بورڈ کی جانب سے جاری ایک بیان میں کہا گیا کہ گزشتہ روز بورڈ کو ایک خط لکھا ہے جس میں انہوں نے غیر ملکی ٹی 20 ٹورنامنٹ کھیلنے کی اجازت مانگی ہے۔
یوراج نے کہا کہ اب بورڈ کو مجھے اس بات کی اجازت دینے میں کوئی پریشانی نہیں ہوگی۔
