کنگنا اور کرن اکثر ایک دوسرے کو کنبہ پروری کے مسئلے پر گھیرتے ہوئے نظر آتے ہیں۔
حالانکہ ایک انٹرویو میں کرن نے کنگنا کی تعریفوں کے پل باندھے۔
انہوں نے یہ تک کہا کہ وہ مستقبل میں کنگنا کے ساتھ کام کرنا چاہیں گے۔
کرن نے کہا، ظاہرہے کہ کنگنا فلم انڈسٹری کی بہترین اداکاراؤں میں سے ایک ہیں۔ اگر کسی فلم میں انہیں کنگنا کےساتھ کام کرنے کی ضرورت محسوس ہوتی ہے تو انہیں اس میں کوئی جھجک محسوس نہیں ہوگی۔
قابل ذکر ہے کہ کرن کے ہی چیٹ شو 'کافی ود کرن' میں ایک بار کنگنا نے حصہ لیا تھا جہاں انہوں نے کرن کو کنبہ پروری کو فروغ دینے کے مسئلے پر گھیرا تھا۔
ان کا کہناتھا کہ کرن جیسے فلم سازوں کی وجہ سے بالی ووڈ میں نئے فن کاروں کے لیے جگہ نہیں بن پاتی۔ اس کے بعد سے دونوں میں اس مسئلے پر بحث شروع ہوگئی۔
