مڈل ایسٹ مونیٹر(میمو) نے اطلاع دی کہ شہزادہ محمد بن سلمان کے زیرانتظام سعودی حکومت نے ووگ عربیہ کو مدینہ کے تاریخی مقام الا ولا میں بین الاقوامی سپر ماڈلز کو فوٹوشوٹ کرنے کی اجازت دی تھی۔
امریکہ کے مشہور فیشن میگزین کے عرب ایڈیشن ووگ عربیہ نے بدھ کے روز نیویارک میں مقیم لیبل مونوٹ کے لیے اپنے 24 گھنٹوں کے مہم والے فوٹو شوٹ کو ریلیز کیا جس میں کیٹ موس، ماریاکارلا بوسونو، کینڈیسی سوانیپول، جورڈن ڈن، امبیر ولیٹا، ژاؤ وین اور الیک ویک جیسی ماڈلز شامل ہیں۔
اس فوٹو شوٹ کا عنوان '24 اوور این الاولا' رکھا گیا ہے۔ یونیکسو کے عالمی ثقافتی ورثہ کے سائٹ پر ماڈلز تنگ لباس پہنے ہوئے فوٹو شوٹ کرواتی ہوئی نظر آئیں۔
کئی مسلمانوں کے مطابق اس شوٹ کی نوعیت اور اس میں استعمال ہونے والے لباس کو فحش کے زمرے میں رکھا گیا ہے۔ وہیں جہاں اس کی شوٹنگ ہوئی ہے، وہ مقدس شہر مدینہ سے 300 کلومیٹر کے فاصلہ پر ہے جس کی وجہ سے بہت سارے لوگ اسے نامناسب سمجھتے ہیں۔
