ایران نے جرمنی کے فیصلے کی مذمت کی

ایران نے لبنان کی حزب اللہ تحریک کو دہشت گرد تنظیم بتانے اور اس کی سرگرمیوں پر پابندی عائد کرنے کے جرمنی کے فیصلے کی مذمت کی ہے۔

ایران کی وزارت خارجہ کے ترجمان عباس موسوی نے گزشتہ روز کہا 'جرمنی حکومت کا فیصلہ مکمل طور پر لبنانی حکومت اور وہاں کی عوام کے لئے غیر مناسب ہے کیونکہ حزب اللہ ایک باضابطہ تحریک ہے اور قانونی طور پر لبنانی حکومت اور پارلیمنٹ کا حصہ ہے'۔

قبل ازیں جرمنی کی وزارت داخلہ کے ترجمان اسٹیو آلٹر نے کہا تھا کہ وزارت داخلہ نے ملک میں لبنان کی حزب اللہ تنظیم کی تمام سرگرمیوں پر پابندی عائد کردی ہے۔