روس کے وزیرصحت کے قریبی ساتھی الیکسے کزنیتسوف نے پیر کے روز کہا کہ کورونا وائرس کے خلاف روس کی ویکسن کو ابھی تک تجارتی کاروبار میں نہیں اتارا گیا ہےاور اس لئے اس کا صرف کلینکل ٹرائل کے حصے کی شکل میں استعمال کیا جاسکتا ہے۔
مسٹر کزنیتسوف نے ان میڈیا رپورٹوں کو خارج کیا جس میں دعویٰ کیا گیا ہے کہ ویکسن حکام کے لئے دستیاب کرائی گئی ہے۔
انہوں نے کہ گامالیا ریسرچ انسٹی ٹیوٹ کی جانب سے تیار کردہ ویکسین کے دواقسام کے کلینکل ٹرائل جاری ہیں۔ سرکاری طور پر ٹیسٹ کے شرکاء کی شکل میں اندراج شدہ رضاکاروں نے ویکسین حاصل کی ہے۔ٹرائل مکمل ہونے پر اس کے ریاستی رجسٹریشن کے امور پر توجہ دی جائے گی۔ویکسین ابھی تک تجارتی کاروبار کے لئے جاری نہیں کی گئی ہے اور طبی معائنوں کے ڈھانچے کے باہر اس کا استعمال ناممکن ہے۔
اس سے قبل دن میں بلومبرگ نے ذرائع کے حوالہ سے بتایا کہ روس کے کاروباری اور سیاسی اشرافیہ کے ممبران کو اپریل کے آغاز میں گامالے سائنٹیفک ریسرچ انسٹی ٹیوٹ آف ایپیڈیمیولاجی اینڈ مائیکروبایولوجی کے ذریعہ تیار کردہ تجرباتی ویکسین تک رسائی حاصل ہوئی تھی۔
