پاکستانی وزارت خارجہ کے دفتر نے بتایا کہ وزیر خارجہ شاہ محمود قریشی نے افغان طالبان کے وفد کو امن عمل کو سبوتاژ کرنے سے متعلق ممکنہ خطرات سے آگاہ کیا۔
پاکستانی میڈیا کے مطابق افغان طالبان کے وفد نے امن بحالی میں پاکستان کی مسلسل کاوشوں اور معاونت پر وزیر خارجہ کا شکریہ ادا کیا۔
میڈیا رپورٹ نے بتایا کہ افغان طالبان کے وفد نے وزیر خارجہ کو طالبان امریکا معاہدے پر عمل درآمد کے بارے میں بھی آگاہ کیا۔
اس موقع پر شاہ محمود قریشی نے کہا کہ پاکستان اور افغانستان کے درمیان دیرینہ مذہبی، تاریخی اور جغرافیائی اعتبار سے برادرانہ تعلقات ہیں۔ افغانستان کے معاشی استحکام کےلیے عالمی برادری کو کوشش کرنے کی ضرورت ہے۔
انہوں نے کہا کہ وہ افغانستان میں امن بحالی سمیت خطے میں دیرپا امن و استحکام کیلئے مصالحانہ کوشش کرتے رہیں گے۔
