کویت نے کورونا وائرس سے بچنے اور اس کے پھیلاو کو روکنے کی غرض سے ایک ہفتے کے لیے 7 ممالک کی پروازیں منسوخ کرنے کا فیصلہ کیا ہے۔
کویت کے حکومت نے کہا کہ ان سات ممالک میں بنگلہ دیش، فلپائن، بھارت، سری لنکا، شام، لبنان اور مصر شامل ہیں۔
جمعہ کی رات میں ایک ایمرجنسی میٹنگ کے دوران کویتی حکومت کی جانب سے اس طرح کا فیصلہ کیا گیا۔
مذکورہ سبھی ممالک کے باشندوں اور ان سبھی کویتی اور غیر کویتی افراد کا داخلہ بھی کویت میں ممنوع ہے، جو گذشتہ دو ہفتوں کے دوران ان مذکورہ ممالک میں داخل ہوئے ہوں۔
کویت کے وزارت صحت نے بتایا کہ حالیہ اعداد و شمار کے مطابق ملک میں فی الحال کورونا وائرس کے متاثرین کی تعداد 61 ہے۔
خیال رہے کہ دنیا بھر میں کورونا وائرس سے متاثرین کی تعداد تقریبا ایک لاکھ تک پہنچ گئی ہے۔ ان میں سے 3 ہزار 400 افراد ہلاک ہو چکے ہیں۔
