یمن میں ملٹری پریڈ پر حملہ

یمن کے جنوبی ساحلی شہر عدن میں جمعرات کو فوجی پریڈ پر بیلسٹک میزائل اور ڈرون حملے میں کم از کم 40 افراد کی موت ہوگئی جب کہ 10 سے زیادہ افراد زخمی ہوگئے۔

العربیہ براڈکاسٹنگ کی رپورٹ کے مطابق متحدہ عرب امارات کے حامی یمنی فوج کے نئے بیچ کے پریڈ پر ہوئے حملے میں بریگیڈیر منیر الیافی کی بھی موت ہوگئی۔ پریڈ کے دوران بریگیڈیر یافی کے علاوہ بہت سے دیگر فوجی افسران بھی موجود تھے۔

حوثیوں نے ان حملے کی ذمہ داری قبول کرتے ہوئے کہا ہے کہ فوجی پریڈ پر حملے کے لئے میڈیم رینج بیلسٹک میزائل اور ڈرونز کا استعمال کیا گیا ہے۔

حوثیوں نے مزید کہا کہ اس پریڈ میں شامل فوجیوں کو تعز اور دیالہ کے محاذ پر استعمال کیا جانا تھا۔

ایک دیگر حادثے میں دھماکوں سے لدی ایک کار کے پولس اسٹیشن سے ٹکراجانے سے چار فوجیوں کی موت ہوگئی۔

فی الحال کسی گروپ نے حملے کی ذمہ داری قبول نہیں کی ہے لیکن سلامتی فورسوں نے اس کے لئے انتہاپسند گروپوں کو ذمہ دار قرار دیا ہے۔