افغان فوجی دستوں نے ملک کے شمالی صوبہ غزنی میں ایک خوں ریز تصادم کے دوران کم از کم سات طالبانی جنگجووں کو موت کے گھاٹ اتار دیا۔ یہ اطلاع آج یہاں ایک فوجی بیان میں دی گئی ہے۔
بیان کے مطابق یہ تصادم سنیچر کی صبح اندار ضلع کے نینی گاوں میں شروع ہوا۔ بیان میں کہا گیا ہے کہ تصادم کے بعد جنگجو سات لاشیں چھوڑ کر فرار ہوگئے۔
تصادم میں دو جنگجووں زخمی بھی ہوئے ہیں۔ بیان میں کہا گیا ہےکہ فوجی دستے اس شورش زدہ صوبے میں دوسرے مقامامت پر بھی جنگجووں کا تعاقب کررہے ہیں۔
طالبان کی طرف سے ابھی تک اس واقعہ پر کوئی رائے زنی نہیں کی گئی ہے۔