بنگلہ دیش میں کورونا وائرس سے اب تک 3694 لوگوں کی موت

بنگلہ دیش میں عالمی وبا کورونا وائرس سے 37 اور لوگوں کے موت کے بعد ملک میں کورونا سے مرنے والوں کی تعداد بڑھ کر 3,694 ہوگئی ہے۔

ہیلتھ سروس ڈائرکٹوریٹ نے بتایا کہ گزشتہ چوبیس گھنٹوں کے دوران کورونا کے 2,595 نئے معاملوں کی تصدیق کے بعد ملک میں کورونا سے متاثروں کی تعداد 279,144 ہوگئی ہے۔

گزشتہ چوبیس گھنٹوں میں 12,523 لوگوں کی جانچ کی گئی ہے جس میں 2,595 لوگ متاثر پائے گئے۔ اس کے علاوہ 1,641 مریضوں کے ٹھیک ہونے کے بعد صحتیاب ہوئے لوگوں کی تعداد بڑھ کر 1,60,591 ہوگئی ہے۔

ملک میں کورونا وائرس کا پہلا معاملہ آٹھ مارچ کو درج کیا گیا تھا۔