بالی ووڈ سپر اسٹار عامر خان اور ان کے بیٹے آزاد راؤ خان کی تصاویر سوشل میڈیا پر وائرل ہورہی ہے، جس میں دونوں آم کا مزہ لیتے ہوئے نظر آرہے ہیں۔ عامر نے حال ہی میں اعتراف کیا تھا کہ انہوں نے ہمیشہ اپنے خاندان کو نظرانداز کیا ہے اور اپنے بچوں کے ساتھ تب وقت نہیں گزارا جب انہیں ان کی سب سے زیادہ ضرورت تھی۔ ان تازہ ترین تصویروں کو دیکھ کر لگ رہا ہے کہ عامر اپنے ان کھوئے ہوئے لمحوں کو پھر سے سمیٹنے کی کوشش کر رہے ہیں۔ ان تصویروں میں باپ اور بیٹے کی یہ جوڑی ایک اچھا وقت گزارتے ہوئے نظر آرہی ہے۔ Aamir Khan and Son Azad Enjoying Delicious Mangoes
- " class="align-text-top noRightClick twitterSection" data="
">
بدھ کے روز عامر خان نے اپنے پروڈکشن بینر عامر خان پروڈکشن کے انسٹاگرام پر اپنے بیٹے کے ساتھ تصویروں کی ایک سیریز شیئر کی ہے۔ ان تصاویر میں باپ بیتے کی جوڑی آم کا مزہ لیتے ہوئے نظر آرہی ہے۔ تصاویر شیئر کرتے ہوئے عامر نے لکھا کہ 'کیا آپ نے ابھی تک اپنے لیے اور اپنی فیملی کے ساتھ آم کا ذائقہ چکھا؟
مزید پڑھیں: Rohit Shetty's New Project: روہت شیٹی کے آئندہ پروجیکٹ میں سدھارتھ ملہوترا اہم کردار میں
واضح رہے کہ آزاد، عامر خان اور ان کی دوسری بیوی کرن راؤ کے بیٹے ہیں۔ گزشتہ سال 15 جولائی کو عامر اور کرن نے علیحدہ ہونے کا اعلان کیا تھا۔ حالانکہ انہوں نے کہا تھا کہ وہ مشترکہ طور پر اپنے بیٹے کی پرورش کریں گے اور والدین کے تمام فرائض انجام دیں گے۔ عامر کی پہلی بیوی رینا دتہ کے ساتھ دو بچے ہیں، جن کا نام ایرا خان اور جنید خان ہیں۔ اس جوڑی نے شادی کے 16 سال بعد علیحدگی اختیار کرلی تھی۔
