'کئی بار مسجد کے سامنے جے شری رام کے نعرے لگائےگئے'

مشرقی دہلی کا ایک علاقہ ہے اشوک نگر جو نوئیڈا سے متصل ہے، لیکن یہ علاقہ آج بھی بنیادی سہولیات سے محروم ہے، علاقے میں ایک مسجد اور ایک مدرسہ ہے۔

مسجد کے ایک مصلی نے بتایا کہ یہ ہندو مسلم منافرت پیدا کرنے کی کوشش کی جاتی ہے کئی بار مسجد کے سامنے جے شری رام کے نعرے بھی لگائے گئے۔

انہوں نے مزید کہا کہ ووٹ تو ہم دینا چاہتے ہیں کیونکہ ہم بھارتی ہیں اور ووٹ دیناہمارا حق ہے۔ انتخابات کے دوران تمام جماعتوں کے سیاسی رہنما ووٹ کے لیے آتے ہیں لیکن آج تک اس علاقے میں کوئی کام نہیں ہوا۔

پہلی بار ووٹ ڈالے جا رہے بدرالدین نے کہا کہ میں اسے ووٹ دونگا جو انسانیت اور ترقی کی بات کرے گا۔
مدرسے کے ایک طالب علم نے کہا کہ وہ بڑے ہو کر ایک اچھے حافظ قرآن بننا چاہتے ہیں۔