جمعہ کے روز دہلی کے ریاستی وزیر گوپال رائے نے پریس کانفرنس کرتے ہوئے مودی حکومت کو سخت تنقید کا نشانہ بنایا اور اپنی خاص تیاری کا بھی ذکر کیا۔
گوپال رائے نےکہا کہ بی جے پی مودی کے نام پر الیکشن لڑ رہی ہے اور عاپ اروند کیجریوال کے کام کے دم پر بی جے پی کو چیلنج کر رہی ہے۔
انہوں نے کہا کہ پارٹی ہر اسمبلی حلقہ، وارڈ اور پولنگ مراکز پر بی جے پی کو ہرانے کے لیے کا م کر رہی ہے۔
انہوں نے عاپ کی 12 مئی کو ہونے والے انتخاب کی تیاریوں کا ذکر کیا اور کہا کہ دہلی میں 13823 بوتھ ہیں اور ہر بوتھ پر عاپ نے 10 'وجئے پرمکھ' بنائے ہیں۔جو ووٹنگ کے روز لوگوں کو ووٹ کرنے کے لیےآگاہ کریں گے۔
انہوں نے مزید بتایا کہ پیسوں اور شراب کا استعماکل نہ ہو سکے اس کے لیے عام آدمی پارٹی نے خفیہ کیمروں سے لیس ٹیم کو ہر وارڈ میں تعینات ہے، جو کہ 9،10 اور 11 مئی کی رات کو نگرانی رکھے گی کہ الیکشن کو کسی بھی طرح سے متاثر نہیں کیا جا سکے۔
عاپ نے ایک ہیلپ لائن بھی جاری کیا ہے، جس پر الیکشن میں کسی بھی طرح کی دھاندلی یا پولنگ اسٹیشن پر کسی بھی طرح کی شکایت آنے پر شکایت کی جا سکتی ہے۔ جسے عاپ الیکشن کمیشن اور انتطامیہ تک پہنچا کر فوراً حل کرنے کی درخواست کرے گی۔
گوپال رائے نے یہ بھی کہا کہ فیس بک اور ٹویٹر پر بھی کسی بھی طرح کی پریشانی کی جانکاری دی جا سکتی ہے۔
