کشمیر: پنچ اور سر پنچ کتنی دیر تنخواہوں سے محروم رہیں گے

جموں و کشمیر پنچائتی کانفرنس کے صدر اقبال وانی نے کہا کہ گورنر سیتہ پال ملک کو بدعنوان افسروں اور سیاست دانوں کے ساتھ ساتھ ان چھوٹے افسران کی نکیل بھی کسنے چاہیے جو زمینی سطح پر لوگوں کے کام نہیں کرتے ہیں۔

اقبال وانی نے سرینگر میں ایک پریس کانفرنس کے دوران کہا کہ جس مقصد کے لیے پنچوں اور سرپنچوں کا انتخاب عمل میں لایا گیا وہ کام گاؤں دیہات میں بیٹھے بی ڈی اوز انہیں کرنے ہی نہیں دیتے ہیں۔

انہوں نے کہا کہ وہ آج بھی اپنے ہی پرانی طریقے سے سابق ایم ایل اے اور ایم ایل سیز کے اشاروں پر کام کرتے ہیں اور انہیں خوش رکھتے ہیں، جس بنا پر گاؤں و دیہات کی ترقی اور لوگوں کی راحت رسانی کے لیے زمینی سطح پر کوئی بھی نہیں ہورہا ہے

اقبال وانی الزام لگایا کہ بی ڈی اوز دفاتر میں رشوت ستانی کا کام کھلے عام چل رہا ۔ایم۔جی نریگا جیسی اسکیموں کے نام پیسہ نکالا جارہا ہے بی ڈی اوز اور ٹھیکداروں کی ملی بھگت سے۔
وہیں انہوں نے کہا جب تک نہ گورنر انتظامیہ مخلتف اضلاع پر بلاک ڈیویلپمنٹ دفاتر میں رشوت خور افسران کے خلاف کاروائی عمل میں نہیں لائے گے تب تک کسی بھی گاؤں کی ترقی ممکن نہیں ہوپائے ۔
دوسری جانب اقبال وانی کا کہنا ہے کہ جب سے پنچوں اور سرپنچوں کا انتخاب عمل میں لایا گیا ہے تب سے آج تک انہیں کوئی تنخواہ بھی نہیں دیا گیا ہے ۔ جو ان اور ان کے بچوں کے ساتھ سراسر انصافی ہے ۔

انہوں نے گورنر انتظامیہ سے اپیل کی کہ ان کے مسائل کی طرف فوری توجہ دی جائے