کورونا وائرس کے انفیکشن کا سلسلہ توڑنے کے لئے ملک بھر میں لاک ڈاؤن نافذ کیا گیا۔ جس کے بعد سماجی دوری کی وجہ سے شادی اور دوسرے پروگراموں پر پابندی عائد کردی گئی ہے۔ تاکہ ایک جگہ پر لوگوں کا اجتماع نہ ہو اور کورونا وائرس کا خطرہ کم ہوسکے۔ جس کی وجہ سے ٹینٹ کاروباریوں کی حالت بہت خراب ہوگئ ہے۔ انہیں معاشی بحران کا سامنا ہے۔
مدھیپورہ میں ٹینٹ کا کروبار چلانے والے سدھانشو کمار نے بتایا کہ وہ گذشتہ ایک دہائی سے ٹینٹ کا کام کررہے ہیں۔ انہوں نے 25 لاکھ کی لاگت سے کاروبار شروع کیا۔ 3 درجن سے زائد ملازمین یہاں کام کرتے تھے اور اپنے خاندان کا پیٹ پالتے تھے۔ لیکن لاک ڈاؤن کی وجہ سے ٹینٹ کا کاروبار مکمل طور پر رک گیا ہے۔ معاشی صورتحال اس حد تک خراب ہو گئی ہے کہ پٹڑی پر واپس آنے میں کئی سال لگ جائیں گے۔
ٹینٹ کاروباریوں کے اندر مایوسی اس قدر ہو گئی ہے کہ انہوں نے اس برس آمدنی کی امید ہی چھوڑ دی ہے۔ ان کا ماننا ہے کہ اگر لاک ڈاؤن ختم بھی ہو گیا تو لوگ زیادہ بھیڑ بھاڑ والے پروگرام کم ہی کریں گے۔
