ورتک نگر پولیس اسٹیشن کو کنٹینمینٹ زون قرار دیا گیا تھا: سومیا

بھارتیہ جنتا پارٹی کے رہنما اور سابق رکن پارلیمان کریٹ سومیا نے دعویٰ کیا کہ تھانے کے ورتک نگر پولیس اسٹیشن کو کنٹینمینٹ زون قرار دیا گیا تھا اور پولیس انسپکٹرز و کانسٹیبلز کو کورنٹائنڈ کیا گیا تھا۔

انہوں نے بتایا کہ کابینی وزیر جیتندر اوہاڑ کے باڈی گارڈس کو مارپیٹ کے ایک معاملے میں گرفتار کرنے کے بعد پولیس اسٹیشن کو کنٹینمینٹ زور قرار دیا گیا تھا۔

سومیا نے بتایا کہ 'ورتک نگر پولیس اسٹیشن کو کنٹینمینٹ زون قرار دیا گیا تھا اور پولیس اسٹیشن کے تمام پولیس انسپکٹرز و کانسٹیبلز کو کورنٹائنڈ کیا گیا تھا۔ اوہاڈ کے 13 حامیوں کی کووڈ 19 ٹیسٹ رپورٹ مثبت آئی ہے۔'

انہوں نے بتایا کہ 'ان تیرہ افراد میں وہ تین لوگ بھی شامل ہے جو اننت کرموسے (سول انجینئر) کے گھر گئے تھے اور اسے زدوکوب کیا تھا۔ اس سلسلے میں ایف آئی آر درج کی گئی تھی اور تینوں کو گرفتار کیا گیا تھا۔ یہی وجہ ہے کہ پولیس اسٹیشن کو کنٹینمینٹ زور قرار دیا گیا تھا۔'