مالیگاؤں پریمیئر لیگ کرکٹ ٹورنامنٹ 4 مارچ سے

ریاست مہاراشٹر کے شہر مالیگاؤں میں ریاستی سطح پر مالیگاؤں پریمیئر لیگ کرکٹ ٹورنامنٹ کا آغاز 4 مارچ 2020 سے کیا جا ئے گا۔اس مقابلہ کیلئے کھلاڑیوں کی نیلامی گزشتہ شب عمل میں آئی۔

مالیگاؤں کرکٹ ایسوسی ایشن کی جانب سے آٹھواں مالیگاؤں پریمیئر لیگ کرکٹ ٹورنامنٹ میں کُل بیس ٹیمیں شامل ہوں گی۔ جس میں ہرٹیم میں چاربیرون شہر اور سات مقامی نمایاں کھلاڑیون کا نیلامی کے ذریعے انتخاب عمل میں آیا۔

بقیہ سات کھلاڑی مقامی ٹیمیوں میں رہے گے۔ یہ ٹورنامنٹ 4 مارچ سے 'عزیز کلو اسٹیڈیم' میں کھیلا جائے گا۔مالیگاؤں پریمیئر لیگ نیلامی کے موقع پر مالیگاؤں کرکٹ ایسوسی ایشن کے صدر امین انصاری، سیکریٹری وائی سی خان، الحاج یوسف الیاس، فاروق شیخ نواب بیکری، حامد احمد اور دیگر سنئیر کھلاڑی بطور مہمانان خصوصی موجود رہے۔

نیلامی کے وقت پروجیکٹر پر کھلاڑیوں کی تصویر اور معلومات فراہم کی گئی اور بعد ازاں بولی لگا کر کھلاڑیوں کی نیلامی کی گئی۔

مالیگاؤں کرکٹ ایسوسی ایشن کے صدر انصاری امین نے ای ٹی وی بھارت پر اپنے تاثرات کا اظہار کیا۔

انہوں نےکہا کہ مالیگاؤں میں اچھے کھلاڑیوں کی کمی نہیں ہے لیکن ایک اچھے کرکٹ اسٹیڈیم کی ضرورت ہمیشہ سے ہی رہی ہے۔

شہر کے نوجوان کھلاڑی بھارت بھر کی مختلف ریاستوں میں جاکر اپنے کھیل کا بہترین مظاہرہ پیش کرتےہیں۔ اس طرح کے ٹورنامنٹ منعقد کرنے کا مقصد انھیں ایک اچھا پلیٹ فارم فراہم کرنا ہے۔