ریاست اتر پردیش کے ضلع میرٹھ میں پولیس اور شرپسندوں کے مابین تصادم میں دو پولیس اہلکار زخمی ہوگئے، جبکہ ساتھ ہی دو شرپسند بھی گولی لگنے سے ہلاک ہوگیا۔
اطلاع کے مطابق ضلع میرٹھ میں کنکرکھیڑا شاہراہ پر تفتیش کے دوران شرپسندوں نے پولیس پر فائرنگ کردی، جس میں ایک تھانہ پولیس ڈرائیور گولی لگنے سے شدید زخمی ہوا، تھانہ ڈرائیوراسپتال میں زیر علاج ہے۔
پولیس اہلکار کو گولی لگنے کی اطلاع پر پولیس محکمےمیں ہلچل مچ گئی اور سبھی تھانوں کی پولیس فورسز نے میرٹھ کی سبھی حدود کی تفتیش شروع کردی۔
اس دوران پولیس نے خیروا روڈ پر دو موٹرسائیکل سواروں کو روکنے کی کوشش کی، انہوں نے پولیس پر فائرنگ کردی، پولیس سے تصادم میں دو شرپسند ہلاک ہوا، جبکہ ایک اور کانسٹبل کے ہاتھ میں گولی لگی، اس طرح سے دو پولیس اہلکار زخمی ہوئے۔
ایس ایس پی اجے کمار سہانی نے بتا یا کہ بدمعاشوں کی گرفتاری پر میرٹھ اور مظفر نگر سے 25-25 ہزار کے دو انعامات تھے۔
مہلوک بدمعاشوں کی شناخت مظفر نگر کے رہنے والے شہزاد اور بنٹی کے طور پر ہوئی ہے۔
پولیس نے دونوں بدمعاشوں کی لاش کو پوسٹمارٹم کے لئے بھیج دیا ہے، وہیں زخمی پولیس اہلکار میرٹھ میڈیکل کالج میں زیر علاج ہیں۔
