فوج میں بھرتی ہونے کے لیے چار ہزار نوجوان جے پور سے سیکر پہنچے۔ سیکر ضلع میں بھرتی کے لیے سٹیڈیم میں تڑکے صبح تین بجے سے ہی دوڑ کا پہلا راؤنڈ شروع ہوا۔ پوری دوڑ صبح آٹھ بجے تک مسلسل جاری رہی۔
سیکر میں آرمی ریلی
فوج کے ایک افسر نے بتایا کہ اس بار کی آرمی ریلی میں میڈیکل میں ان فٹ ہونے والے افراد کی تعداد میں اضافہ ہوا ہے۔ دوڑ میں پاس ہونے کے باوجود 35 فیصد نوجوان میڈیکل میں ان فٹ ثابت ہوئے۔
ضلع جے پور کے ویراٹ نگر، سانگا نیر، پھلرا، بسی اور فاگی تحصیل کے نوجوان نے ریلی میں حصہ لیا۔ ان پانچوں تحصیلوں کے چھ ہزار سے زیادہ نوجوانوں نے اپنا رجسٹریشن کروایا تھا۔ ریلی میں کتنے نوجوان غیر حاضر رہے اس بارے میں ابھی کوئی جانکاری نہیں ہے۔
