ریاست راجستھان کے دارالحکومت جے پور میں منگل کی شام دیر گئے جے پور دہلی بائی پاس شاہراہ پر ہونے والے المناک حادثے کی سی سی ٹی وی فوٹیج سامنے آیا ہے جس میں تین افراد ہلاک اور چھ لوگو زخمی ہوگئے ہیں۔
ای ٹی وی بھارت کی جانب سے حاصل کی گئی خصوصی فوٹیج میں یہ واضح طور پر نظر آرہا ہے کہ کس طرح ٹرالی ڈرائیور نے لاپرواہی کے ساتھ تیز رفتار سے ٹرالی چلائی اور کھولے کے ہنومان جی سے آگے واقع چوراہے پر دو موٹر سائیکل کو پیچھے پیچھے سے ٹکر مار دی۔
فوٹیج میں یہ واضح طور پر نظر آرہا ہے کہ چوراہے سے آگے جانے کے بعد بنگالی بابا کے مندر کے قریب ٹرالی الٹ گئی اور ٹرالیوں سے بھرا ہوا چاول کے کٹھے سڑک پر بکھرے گئے جس کے نیچے تین افراد دب گئے۔
واضح رہےکہ جس جگہ پر ٹرالی پلٹی وہاں بہت بڑی تعداد میں لوگ موجود تھے۔
فوٹیج میں ایک ٹریفک پولیس اہلکار بھی اسی جگہ موجود ہے جہاں ٹرالی الٹی تھی، ٹرالی کو تیز رفتار سے اپنے طرف آتے ہوئے دیکھ کر ٹریفک پولیس اہلکار اور دوسرے لوگ اپنی جان بچانے کے لیے بھاگتے ہوئے دکھائی دے رہے ہیں۔
فی الحال پولیس نے اس پورے واقعہ میں فوری کارروائی کرتے ہوئے ملزم ٹرالی ڈرائیور کو گرفتار کرلیا ہے۔ ٹرالی ڈرائیور کا طبی علاج کرایا جارہا ہے۔
ایسا مانا جارہا ہے کہ ٹرالی ڈرائیور شراب کے نشے میں تھا جس کی وجہ سے یہ حادثہ پیش آیا جس میں تین افراد کی موت ہوگئی اور چھ افراد زخمی ہوگئے ہیں۔
اپوزیشن رہنما راجندر راٹھور نے اس حادثے کی اطلاع ملتے ہی ٹوئٹ کیا کہ انہیں اس سڑک حادثے کی خبر سن کر افسوس ہوا۔
انہوں نے متوفی کے لواحقین سے کہا ہے کہ ان کی ہمدردی ہلاکشدگان کے اہل خانہ کے ساتھ ہے جبکہ زخمیوں کو جلدی صحتیابی کی دعا دی ہے۔
