کل ہند مجلس اتحادالمسمین کی جانب سے آج حیدرآباد کے ملکپیٹ اسمبلی حلقہ میں گیارہ سو غریب مستحق خاندانوں کے درمیان راشن تقسیم کیا گیا، راشن پیکج کے طور پر لوگوں کو چاول، دال، تیل اور دیگر ضروری اشیاء دی گئیں۔
اس موقع پر صدر مجلس و رکن پارلیمان اسدالدین اویسی اور علاقے کے رکن اسمبلی احمد بن بلعلہ موجود رہے۔
آپ کو بتا دیں کہ کل ہند مجلس اتحادالمسلمین کی جانب سے روزانہ کی بنیاد پر غریبوں اور ضرورتمندوں میں راشن تقسیم کیا جا رہا ہے۔ لاک ڈاون کے نفاذ کے بعد سے مسلسل کل ہند مجلس اتحادالمسلمین کی جانب سے یہ کار خیر انجام دیا جا رہا ہے۔ اسی کڑی میں رکن اسمبلی ملک پیٹ احمد بن بلعلہ نے بھی ملکپیٹ اسمبلی حلقے میں غربا و ضرورتمندوں کے درمیان فوڈ پیکٹز تقسیم کیے۔
اس موقعے پر اسدالدین اویسی نے کہا کہ یہاں جو فوڈ کٹ تقسیم کیے جا رہے ہیں وہ بلا تفریق مذہب وملت کیا جا رہا ہے، اس دوران انہوں نے وزیر اوعظم نریندر مودی پر نکتہ چینی کرتے ہوئے کہا کہ غیر منصوبہ بند طریقے اور غیر آئینی لاک ڈاون میں جو مزید تو سیع کی گئی ہے اس سے محض غریب پریشان ہیں۔
انہوں نے میڈیا سے بات چیت کے دوران کہا کہ وہ لوگ قابل مبارکباد ہیں جو ایسے برے وقت میں لوگوں کی مدد کررہے ہیں، حالانکہ ایسے مواقع پر حکومت کو آگے آکر مدد کرنی چاہیے تھی۔
اس دوران انہوں نے رکن اسمبلی احمد بن لعلہ کا شکریہ ادا کیا اور صاحب استطاعت لوگوں سے بے سہارا اور ضرورتمندوں کی مدد کی اپیل۔
