ایڈیشنل ڈپٹی کمشنر (اے ڈی سی ) کا گن مین، ان کا ڈرائیور اور کلرک کی کورونا رپورٹ پازیٹو آئی ہے۔ جس کے بعد دفتر میں ہنگامہ برپا ہے۔ آناً فاناً میں پورے دفتر کو سینی ٹائز کرانے کام شروع ہو گیا ہے۔ غور طلب ہے کہ تینوں ملازم ڈیوٹی پر معمول کے مطابق آتے جاتے تھے اور خود اے ڈی سی بھی مستقل دفتر آتے جاتے رہے ہیں۔
سی ایم او گروگرام جے ایس پونیا نے اس بات کی تصدیق کرتے ہوئے کہا کہ' اے ڈی سی دفتر کے تین ملازمین کی رپورٹ پازیٹو آنے کے بعد سبھی اسٹاف کے خون کے نمونے بھیجے گئے ہیں۔ انہوں نے بتایا کہ تینوں ملازم دہلی سے آتے جاتے تھے۔ بادی النظر میں کورونا وائرس سے متاثر ہوجانے کی یہی وجہ سامنے آتی ہے۔'
