یہ احتجاج بھوپال کے بورڈ آفس چوراہے پر منعقد کیا گیا۔ اس موقع احتجاجی پرشانت کمار نے ای ٹی وی بھارت کو بتایا کہ جس طرح ملک اور صوبے میں معصوموں کے ساتھ جنسی زیادتی کے معاملوں میں اضافہ ہو رہا ہے یہ بہت خطرناک ہے۔
انہوں نے مزید کہا کہ جنسی زیادتی کے معاملات پر حکومت اور سماج دونوں خاموشی اختیار کیے ہوئے ہیں۔ انہوں نے کہا کہ وہ چاہتے ہیں کہ سماج اور حکومت اس طرح کے معاملات کے خلاف آواز بلند کریں اور سخت قدم اٹھائے۔
احتجاج میں شامل پراچی نے کہا اس احتجاج کا مقصد معصوموں کے ساتھ ہو رہی جنسی زیادتی کو ختم کرنا ہے۔ انہوں نے کہا کہ وہ بڑی عمر کی خواتین کو تو سمجھا سکتے ہیں لیکن معصوموں کے ساتھ ہورہی زیادتی کے معاملے میں بچوں کو سمجھانا مشکل ہوتا ہے- انہوں نے کہا کہ ملک ترقی کر رہا ہے لیکن جنسی زیادتی جیسے ماملات کی وجہ سے ملک کی ترقی میں رکاوٹیں آ رہی ہیں۔
طالبہ اسماء خان نے کہا 'ہمارا یہ احتجاج حکومت یا کسی ایک سے بات کرنے کی کوشش نہیں ہے۔ ہمارا مقصد ہے کہ حکومت اور سماج دونوں اس سے سبق لیں۔ انہوں نے کہا کہ ایسی ترکیبیں اپنائی جانی چاہیے جس سے ان حادثات پر روک لگائی جا سکتی ہے۔