اننت ناگ: شمالی کشمیر کے بعد جنوبی کشمیر کے ضلع اننت ناگ میں بھی جموں و کشمیر پولیس کی اسٹیٹ تحقیقاتی ایجنسی نے آج فلاح عام ٹرسٹ کے دفتر بس اسٹینڈ اننت ناگ پر چھاپہ مارا۔ جہاں سے ضروری دستاویز اور کمپیوٹر کو ضبط کیا گیا ہے۔ SIA Search Operation
سرکاری ذرائع کے مطابق یہ چھاپے ملیٹینسی فنڈنگ کیس کے سلسلے میں مارے گئے۔ تاہم اس دوران کسی کی گرفتاری کی کوئی اطلاع موصول نہیں ہوئی۔ واضع رہے اس سے پہلے بارہمولہ ، سوپور، اور کولگام میں بھی ایس آئی اے نے فلاح عام ٹرسٹ کے دفتروں پر چھاپے مارے ہیں۔
جموں و کشمیر پولیس کی اسٹیٹ تحقیقاتی ایجنسی (ایس آئی اے) نے منگل کی صبح نوگام سرینگر، سوپور اور کولگام میں فلاح عام ٹرسٹ کے دفاتر پر چھاپے مارے۔ بتایا گیا کہ یہ چھاپے عسکریت پسندی کے لیے فنڈنگ کیس کے سلسلے میں مارے گئے ہیں۔
سرکاری ذرائع نے بتایا کہ ایس آئی اے کی ایک ٹیم نے پولیس اور سی آر پی ایف اہلکاروں کی مدد سے منگل کی صبح چھاپے مارے ۔ انہوں نے کہا کہ یہ چھاپے ملی ٹینسی فنڈنگ کیس کے سلسلے میں مارے گئے۔ تاہم فی الوقت یہ معلوم نہیں ہو سکا ہے کہ چھاپوں کے دوران کسی کی گرفتاری عمل میں لائی گئی یا نہیں۔
