ممبئی: بی ایس ای کا سنسیکس گذشتہ روز کی گراوٹ سے ابھرتے ہوئے آج 268.95 پوائنٹز یعنی 0.71 فیصد کے اضافے کے ساتھ 38,140.47 پوائنٹز پر پہنچ گیا۔
سنسیکس 05 مارچ کے بعد پہلی بار 38 ہزار پوائنٹز سے اوپر بند ہوا ہے۔ نیشنل اسٹاک ایکسچینج کا نفٹی 82.85 پوائنٹز کی تیزی کے ساتھ 11,215.45 پوائنٹز پر رہا۔
ایشیائی بازاروں سے موصول منفی اشاروں کے درمیان بازار کی شروعات گراوٹ سے ہوئی لیکن کچھ دیر بعد ہی یہ ہرے نشان میں لوٹ آیا۔
سنسیکس 38 ہزار سے متجاوز
بین الاقوامی سطح پر کچے تیل کی قیمت بڑھنے سے انرجی کے شعبے میں سب سے زیادہ تیزی دیکھی گئی۔ اسی کے ساتھ یورپی بازاروں کی تیزی سے بھی گھریلو بازاروں کو مدد ملی۔ ریلائنس انڈسٹریز، آئی سی آئی سی آئی بینک اور کوٹک مہیندرا بینک، آئی ٹی سی، اسٹیٹ بینک آف انڈیا اور ایچ ڈی ایف سی بینک کے بازار کا اضافے میں اہم کردار رہا۔
