جیو کا نیا اسمارٹ فون، 10 ستمبر سے بازار میں دستیاب ہوگا

مکیش امبانی نے اعلان کیا کہ نیا اسمارٹ فون عام آدمی کی جیب کے لحاظ سے بنایا گیا ہے۔ یہ نہایت کفایتی ہوگا اور دس ستمبر یعنی گنیش چترتھی سے بازار میں ملنے لگے گا۔

ریلائنس انڈسٹریز کے 44 ویں سالانہ عام اجلاس میں صدر مکیش امبانی نے آج ریلائنس جیو اور گوگل کی شراکت داری میں بنے نئے اسمارٹ فون جیو فون نیکسٹ کا اعلان کی نیا اسمارٹ جیو اور گوگل کے فیچروں اور ایپ سے لیس ہوگا۔ انڈرائیڈ بیسڈ اس اسمارٹ فون کا آپریٹنگ سسٹم جیو اور گوگل نے مل کر تیار کیا ہے۔ مسٹر امبانی نے اعلان کیا کہ نیا اسمارٹ فون عام آدمی کی جیب کے لحاظ سے بنایا گیا ہے۔ یہ نہایت کفایتی ہوگا اور دس ستمبر یعنی گنیش چترتھی سے بازار میں ملنے لگے گا۔ بہرحال انہوں نے جیوفون۔ نیکسٹ کی قیمت کے بارے میں انکشاف نہیں کیا۔

مسٹر امبانی نے اس کو دنیا کا سب سے سستا اسمارٹ فون قرار دیتے ہوئے کہاکہ بھارتی مارکٹ کے لیے خا ص طور پر بنایا گیا جیو فون۔نیکسٹ اسمارٹ فون یوزر گوگل پلے سے بھی ایپ ڈاون لوڈ کرسکتے ہیں۔

گزشتہ برس ہی ریلائنس جیو نے گوگل کے ساتھ شراکت داری کا اعلا ن کیا تھا۔ گوگل کے سی ای او سندر پچائی نے نئے اسمارٹ فون کے بارے میں کہا کہ ہمارا گلا قدم گوگل اور جیو کے ساتھ مل کر بنائے گئے نئے، کفایتی جیو اسمارٹ فون کے ساتھ شرو ع ہوتا ہے۔ یہ بھارت کے لیے بنایا گیا ہے اور یہ ان لاکھوں نئے صارفین کے لیے نئے امکانات کھولے گا جو پہلی بار انٹرنیٹ کا تجربہ کریں گے۔'

گوگل کلاوڈ اور جیو کے مابین ایک نئی 5جی شراکت داری ایک ارب سے زیادہ بھارتیوں کو تیز انٹرنیٹ سے جڑنے میں مدد کرے گی اور بھارت کے ڈیجٹلائزیشن کے اگلے مرحلہ کی بنیاد رکھے گی'۔

مسٹر امبانی نے کہاکہ 5جی ایکو سسٹم تیار کرنے اور 5جی آلات کی ایک سیریز تیار کرنے کے لیے ہم عالمی شراکت داروں کے ساتھ کام کررہے ہیں۔ جیو نہ صرف بھارت کو 2 جی سے پاک بنانے کے لیے کام کررہا ہے بلکہ 5جی سے لیس بھی کررہا ہے۔

مسٹر امبانی نے بتایا کہ ریلائنس جیو ڈیٹا کھپ کے معاملے میں دنیا کے دوسرے نمبر کا نیٹورک بن گیا ہے۔ ریلائنس جیو کے نیٹور کر 630کروڑ جی بی ڈیٹا مہینہ کی کھپت ہوتی ہے۔ گزشتہ برس کے مقابلے میں یہ 45فیصد زیادہ ہے۔

یو این ائی