حکومت نے پیاز کی بڑھتی قیمتوں کو روکنے کے لیے منگل کو خوردہ فروش اور تھوک فروش کے اسٹاک کی حد کو کم کردیا ہے۔ اب پیاز کی خوردہ فروش صرف 5 ٹن اور تھوک فروش 25 ٹن ہی ذخیرہ کر سکیں گے'۔
یاد رہے کہ گذشتہ ہفتوں سے ہی پیاز کی قیمتوں میں مسلسل اضافہ ہو رہا ہے۔ حکومت کی جانب سے اس کی فراہمی کے لیے متعدد اقدمات کیے گئے ہیں۔ جبکہ آج پھر حکومت نے ایک نیا حکم نامہ جاری کیا ہے۔
وزارت صارفین کے امور کے جاری کردہ حکم کے مطابق اس سے قبل خوردہ فروشوں کو 10 ٹن پیاز رکھنے اور تھوک فروشوں کو 50 ٹن تک رکھنے کی اجازت دی گئی تھی۔ اب یہ حد آدھی رہ گئی ہے۔
تاہم یہ دوسرا حکم درآمد شدہ پیاز پر لاگو نہیں ہوگی۔
