تجزیہ کاروں اور ماہرین کا کہنا ہے کہ سادہ سود کی شرح بینکوں کے ذریعہ تین ماہ کی مدت کے لیے حساب کی جائے گی جس میں قرض کی ادائیگی باقی تھی لیکن موڈوریم کے تحت ادائیگی نہیں کی گئی تھی۔ یہ آپ کے ماہانہ بل میں اضافہ کے ساتھ، تین ماہ کی اختتام پر آپ کے ای ایم آئی میں شامل ہوجائے گا۔
لہذا اگر آپ ای ایم آئی کی ادائیگی روک رہے ہیں تو اس کو پہلے سمجھیں، فرض کریں کہ آپ ایک ہزار روپے ادا کرتے ہیں اور بینک بقایا پر دس فیصد کی شرح سے سود وصول کررہا ہے، آپ تینوں ای ایم آئی میں ہر ایک پر اضافی 25 روپے ادا کریں گے، یہ اضافی سود یا تو آپ کے تمام مستقبل کے ای ایم آئی میں شامل کی جاسکتی ہے یا آپ کے قرض کی مدت اسی ای ایم آئی سطح پر بڑھائی جاسکتی ہے۔
مالیاتی شعبے کے تجزیہ کار نے کہاکہ' چاہے صارفین کو یہ اضافی سود ایک ہی وقت میں ادا کرنا پڑے گا یا اسے اضافی ای ایم آئی کے طور پر ایڈجسٹ کرنے کی اجازت ہوگی جس کو بینکوں کے ذریعہ واضح کرنے کی ضرورت ہے۔'
اگر تین مہینوں کے التوا کی مدت کے لیے اضافی سود کا بوجھ بھی مستقبل کے تمام ای ایم آئی میں یکساں طور پر تقسیم کردیا گیا تو، صارف کے لیے ماہانہ بل میں اضافہ ہوسکتا ہے یا بینک ای ایم آئی کو اسی طرح رکھنے کا فیصلہ کرسکتے ہیں، لیکن چند ماہ کے لیے۔ قرض کی مدت میں توسیع کرسکتی ہے۔
ریزرو بینک کے گورنر شکتی کانت داس نے جمعہ کے روز یکم مارچ سے 31 مئی تک تمام مدتی قرضوں کی ای ایم آئی پر تین ماہ کی التوا کا اعلان کرتے ہوئے کہا ہے کہ ان تمام قرضوں کی ادائیگی کا شیڈول ملتوی ہونے کے تین ماہ بعد منتقل کردیا جائے گا۔
