گیا کے اتری بلاک کے بوتھ نمبر 28 اور 26 پر ای وی ایم مشین رکھنے تک کے انتظامات نہیں تھے، زمین پر رکھی گئی ای وی ایم مشین پر ووٹ ڈالے جا رہے تھے، ووٹنگ اہلکار ای وی ایم مشین روم میں زمین پر لیٹ کر موبائل فون پر مشغول تھے۔
گیا میں پنچایت الیکشن کے تیسرے مرحلے کی ووٹنگ مکمل ہوچکی ہے، تاہم آج ووٹنگ کے دوران بوتھز پر بدنظمی پائی گئی ہے،کسی بوتھ کو دھان کے فصل کے بیچ میں آنگن واڑی مرکز میں بنایا گیا تو کہیں بوتھ پر ووٹنگ میں لگے اہلکاروں کے بیٹھنے کی گنجائش نہیں تھی۔
اتری بلاک کے سوہڑا پنچایت کے بوہراما گاؤں کے بوتھ نمبر 26 اور 28 عجیب و غریب حالت میں میں پائے گئے یہاں زمین پر ای وی ایم مشین اور پرچہ کاٹنے والی مشین 'وائلیٹ مشین' رکھی گئی تھی۔
ای وی ایم مشین جہاں رکھے ہوئے تھے اس کے ارد گرد چاروں طرف سے پیپر لگے ہوئے تھے اور اسی کے اندر جاکر ووٹرز زمین پر بیٹھ کر ووٹنگ کر رہے تھے۔ پرچی کاٹنے والے کچھ پولنگ اہلکار پرچی کاٹنے میں مصروف تھے جبکہ کئی اہلکار آرام سے لیٹ کر موبائل فون پر لگے ہوئے تھے اور ووٹرز زمین پر رکھی ہوئی ای وی ایم مشین کا بٹن دبا رہے تھے، یہ حالت بوتھ نمبر 27-28 پر یکساں طور پر نظر آ رہے تھے۔
حیرت کی بات یہ ہے کہ پولنگ اہلکاروں کے لیے بوتھ پر نہ میز کا انتظام تھا نہ ہی کرسی کا، جبکہ انتخابی عملے کے مطابق اس بوتھ پر دوسرے گاؤں کے لوگ آکر ووٹ ڈال رہے ہیں، گویا کہ اس گاؤں کے لوگوں کا ووٹنگ بوتھ دوسرے گاؤں میں تھا۔
پریزائڈنگ افسر دنیش کمار نے بتایا کہ 'یہاں ہمیں بیٹھنے کی کوئی سہولت فراہم نہیں کی گئی تھی، یہاں تک کہ پینے کے لیے پانی بھی نہیں ہے۔ اس بندوبست سے سیکورٹی اہلکار بھی بہت ناراض تھے۔
مزید پڑھیں: گیا: پنچایتی انتخاب کے دوران کھیت کے بیچ و بیچ بنے بوتھ
انہوں نے کہا کہ ہمیں کل سے کھانا نہیں ملا ہے، آرام کر رہے پولنگ اہلکار راما کانت کا کہنا تھا کہ کل شام میں ہی یہاں آگیا تھا، انتظامات نہیں ہونے کی وجہ سے ان کی طبیعت خراب ہوگئی ہے دلجوئی کے لیے موبائل فون پر فلم دیکھ رہے تھے۔
