یہ پہل سابق فوجی غفران عالم کی جانب سے کی گئی ہے۔انہوں نے کہا کہ انٹرنیٹ کے آج کے اس دور میں دو دلوں کو جوڑنے میں ویب پورٹل کافی مددگار ثابت ہوسکتا ہے۔
غفران عالم نے کہا کہ غریب بچیوں کی شادی کے لیے کسی طرح کا کوئی چارج نہیں لیا جائے گا۔ بلکہ کمپنی کی جانب ان بچیوں کی شادی میں ہرممکن مدد کی جائے گی۔
غفران عالم نے بتایا کہ سیمانچل کے کشن گنج ضلع میں آج بھی سینکڑوں لڑکیوں کے ہاتھ پیلے نہیں ہوپاتے ہیں۔ جس کی وجہ صرف غربت ہے۔ یہ علاقہ تعلیمی، سیاسی اور اقتصادی طور پر ملک کا سب سے پچھڑا علاقہ ہے۔ لہذا ہماری کوشش ہے۔ کہ سیمانچل شادی ڈاٹ کام کے ذریعے گھر بیٹھی بچیوں کو ان کے سسرال بھیجا جائے۔
غفران عالم سے پوچھا گیا کہ سیمانچل کا کشن گنج علاقہ جو ہراعتبار سے بیحد پچھڑا ہے۔ وہاں شادیوں کے لیے ویب پورٹل کی شروعات کیا عوام اس کے اخراجات اٹھا پائیں گے تو اس پر سابق فوجی نے کہا کہ ہمارا مقصد پیسہ کمانا نہیں بلکہ غریبوں، بیواؤں اور مسکینوں کے لیے صحیح رشتہ تلاش کر کے ان کا گھر بسانا ہے۔
