آر ایس ایس کے رہنما بھیا جی جوشی نے بھونیشور میں ایک پریس کانفرنس میں کہا کہ 'سپریم کورٹ میں ایودھیا کیس کی سماعت مکمل ہو چکی ہے۔'
انہوں نے کہا کہ 'شروع سے ہماری کوشش رہی ہے کہ فیصلہ رام مندر کے حق میں آئے۔ یہ قانونی معاملہ ہے کہ اس جگہ پر کس کا حق ہوگا۔ اب ہم سپریم کورٹ کے فیصلے کا انتظار کر رہے ہیں جو ایک ماہ کے اندر آئے گا۔
جوشی اکھل بھارتیہ کاریہ کاری منڈل کے تین روزہ پروگرام کے اختتام پر میڈیا سے خطاب کر رہے تھے۔ اس اجلاس میں آر ایس ایس کے سربراہ موہن بھاگوت نے بھی شرکت کی تھی۔
انہوں نے مزید کہا کہ 'ہم عدالت کے فیصلے کے بعد کوئی فیصلہ کریں گے۔ فی الحال ہم امید کرتے ہیں کہ فیصلہ ہندو برادری کے حق میں آئے گا'۔
انہوں نے یہ بھی کہا کہ 'ثالثی کمیٹی نے اپنے طے وقت پر حل نہیں دیا'۔
