مرکزی حکومت کی جانب سے پیش سالیسیٹر جنرل تشار مہتہ نے جسٹس ڈی وائی چندرچوڑ کی زیر صدارت بنچ کے سامنے دلیل دی کہ مرکزی حکومت کی بین وزارتی کمیٹی نے ’یو پی ایس سی جہاد‘ پروگرام کے مزید ایپی سوڈ کی نشریات پر مشورہ دیتے ہوئے اپنی سفارشیں دی ہیں۔ سدرشن نیوز ٹی وی کو کمیٹی کی سفارشوں پر جواب کا موقع دیا جانا چاہئے۔
مہتہ نے کہا کہ اس معاملے میں نجی نیوز چینل کو ایک اور نوٹس جاری کرنے کی تیاری کی جا رہی ہے۔ انہوں نے عدالت سے درخواست کی ہے کہ حالیہ واقعات اور مرکزی حکومت کے اقدامات کو دھیان میں رکھتے ہوئے فی الحال سماعت ملتوی کردی گئی ہے۔ اس کے بعد بنچ نے 26 اکتوبر تک معاملے کی سماعت ملتوی کردی ہے۔
نجی ٹی وی کے پروگرام ’بنداس بول‘ کے مزید ایپی سوڈ کی نشریات پر 15 ستمبر تک پابندی عائد کردی گئی تھی۔
واضح رہے کہ ایک نجی ٹی وی چینل نے اس شو میں ’سرکاری نوکریوں میں مسلمانوں کی دراندازی کی سازش‘ کے بڑے ایکسپوز کا دعوی کیا تھا۔
