مہیندر گڑھ کی ریلی میں راہل گاندھی نے وزیراعظم مودی کو ہدف تنقید بناتے ہوئے کہا کہ انھیں معیشت کی سمجھ نہیں ہے اور چند ارب پتیوں کو خوش کرنے میں مصروف ہیں۔
مہیندر گڑھ کی ریلی میں کانگریس کی عبوری صدر سونیا گاندھی کو پہنچنا تھا، لیکن طبیعت ناساز ہونے کی وجہ سے وہ نہیں پہنچ سکیں اور ان کی جگہ راہل گاندھی نے ریلی کو خطاب کیا۔
اس دوران راہل گاندھی نے کہا کہ 'انھیں(سونیا گاندھی) کو وائرل انفیکشن ہے، اس لیے انھوں نے مجھے آپ سے ملنے اور بات کرنے کے لیے بھیجا ہے۔ میں آخری سکینڈ پر بھی آپ کے بلاوے پر آجاؤں گا۔
راہل گاندھی الزام عائد کیا ہے کہ مودی عوام کا دھیان اصل مسئلوں سے بھٹکاتے رہتے ہیں۔
ریاست ہریانہ اور مہاراشٹر میں حالیہ دنوں اسمبلی انتخابات کی سرگرمیاں اپنے آخری مرحلے میں ہیں اور سیاسی پارٹیوں کا ایک دوسرے پر الزام تراشیوں کا سلسلہ بھی اپنے عروج پر ہے۔
ہریانہ اور مہاراشٹر میں اسمبلی انتخابات کے لیے 21 اکتوبر کو ووٹ ڈالے جائیں گے، جبکہ 24 اکتوبر کو نتائج کا اعلان کیا جائے گا۔
