بورنو ریاست کے گورنر باباگانا عمرہ ظلم نے بتایا کہ ریاست کے نانگنزی علاقے میں عسکریت پسندوں نے حملہ کیا تھا، جس میں 55 افراد ہلاک ہوگئے۔
باباگانا عمرہ ظلم نے جائے وقوع کا دورہ کرنے کے بعد کہا کہ بوکو حرام کے دہشت گردوں کے حملوں کے بعد بڈو ملم کیاری، جاوا اور لامسلا بكار بلا گاؤں سے اب تک 55 لاشیں برآمد ہوئی ہیں۔
سیولین جوائنٹ ٹاسک فورس کے سربراہ ابگانا علی نے بتایا کہ مقامی قبرستان میں آخری رسومات کے وقت عسکریت پسندوں نے کچھ متاثرین کا قتل کردیاتھا۔
انہوں نے بتایا کہ بڈو ملم كياريری گاؤں میں ایک قبرستان سے تقریباً 26 لاشیں برآمد ہوئی ہیں، یہاں بوكو حرام کے عسکریت پسندوں نے تدفین کے دوران متاثرین کا قتل کر دیا تھا۔
انہوں نے کہا کہ انتہا پسند اینٹی ایئرکرافٹ بندوق سے لیس پانچ ٹرک کی مدد سے گاؤں میں حملہ کیا تھا، جاوا گاؤں کے ایک شخص نے بتایا کہ دہشت گردوں نے حملہ کرکے ان کے گھروں کو جلا دیا اور ان کا کھانے کا سامان چھین لیا۔
خیال رہے کہ مہلوکین میں خواتین اور بچے بھی شامل ہیں۔
