ریاست کرناٹک کے ضلع یادگیر ڈپٹی کمشنر راگا پریا نے یادگیر کے سرکاری ضلع جنرل اسپتال کا اچانک معائنہ کیا ہے۔
ڈپٹی کمشنر نے اسپتال میں موجود مختلف واڈز میں گھوم کر مریضوں کو مہیا کروائی جانے والی سہولیات کا جائزہ لیا ہے۔
انہوں نے اسپتال کے اندر اور باہر صفائی کے انتظامات کو بہتر بنانے کی ہدایت دی ہے
اس کے علاوہ ڈپٹی کمشنر نے ضلع اسپتال میں متعدی بیماریوں کے کلینک، ڈائٹ روم، بچوں کے تغذیہ، بحالی یونٹ، بچوں کے ریپڈ کیر یونٹ اور بلڈ کلکشن سنٹر کا بھی دورہ کیا۔
ڈپٹی کمشنر نے صحت کے حکام کو ہدایت دی کہ وہ اسپتال کے اندر اور باہر صفائی کا خاص خیال رکھیں۔
- مزید پڑھیں: دو ہزار روپے رشوت لیتے ہوئے سرکاری افسر گرفتار
اس موقع پر یادگیر تحصیل دار ملپا، ڈسٹرکٹ ہیلتھ آفیسر بھگونت انوار، ڈسٹرکٹ سپریڈنٹ ڈاکٹر نارائن اپا کے علاوہ محکمہ صحت اور ضلع جنرل اسپتال کے دیگر ذمہ داران موجود تھے۔
