نئی دہلی: ان دنوں دہلی کی سیاست پوسٹر وار پر مبنی ہے۔ کبھی بی جے پی پوسٹروں کے ذریعے عام آدمی پارٹی اور وزیر اعلی اروند کیجریوال پر حملہ کرتی ہے، تو کبھی عام آدمی پارٹی پوسٹر جاری کرکے وزیر اعظم پر براہ راست حملہ کرتی ہے۔ ایک بار پھر عام آدمی پارٹی نے دہلی کے کئی علاقوں میں نئے پوسٹر لگائے ہیں۔ پوسٹر کے اوپری حصے پر کیجریوال کا کونسلر لکھا ہوا ہے۔ پوسٹر پر کئی سوالات لکھے ہوئے ہیں۔ اس میں دہلی کے لوگوں سے پوچھا گیا ہے کہ کیا ملک کے پی ایم کو تعلیم یافتہ ہونا چاہئے؟ پوسٹر پر عام آدمی پارٹی کا نام لکھا ہوا ہے، جب کہ ماضی میں مودی ہٹاؤ دیش بچاؤ کے پوسٹر میں نہ تو کسی پارٹی کا نام تھا اور نہ ہی کسی رہنما کا، جس کو لیکر دہلی میں کافی سیاست ہوئی۔ اس معاملے میں 100 سے زیادہ ایف آئی آر درج کی گئیں۔ بعد میں پوسٹر لگانے کی ذمہ داری عام آدمی پارٹی نے قبول کی۔
وہیں دہلی پردیش بی جے پی کے ترجمان ہریش کھورانہ نے عام آدمی کے نئے پوسٹر پر ایک ویڈیو جاری کرکے جوابی حملہ کیا ہے۔ انہوں نے کہا کہ ایک بار پھر عام آدمی پارٹی نے وزیر اعظم کے خلاف برا پروپیگنڈہ کرتے ہوئے محاذ کھول دیا ہے۔ کجریوال کو نصیحت کرتے ہوئے کھرانہ نے کہا کہ آپ جتنا ملک کے وزیر اعظم کے خلاف برا پروپیگنڈہ کریں گے، وزیر اعظم کی مقبولیت اتنی ہی بڑھے گی۔
مزید پڑھیں: Modi Hatao Desh Bachao Poster ملک بھر میں 11 زبانوں میں مودی کے خلاف پوسٹر لگائے جائیں گے، عآپ
انہوں نے کہا کہ میں یہ گزشتہ کئی سالوں سے دیکھ رہا ہوں اور آپ کو ذہن نشین کرانا چاہتا ہوں کہ جس طرح سے آپ ملک کے وزیر اعظم کو ناخواندہ کہہ رہے ہو اور گالیاں دے رہے ہو۔ ملک میں وزیراعظم کی مقبولیت میں تیزی سے اضافہ ہورہا ہے۔ کھرانہ نے کہا کہ مودی جی ملک کی معیشت کو مضبوط کریں یا دیگر کام بہتر طریقے سے کریں، انہوں نے ملک کا نام روشن کیا ہے۔ انہوں نے اروند کیجریوال کو خبردار کیا کہ آئندہ لوک سبھا انتخابات میں آپ کو ایک بھی سیٹ نہیں ملے گی۔
