علیحدگی پسند رہنماؤں کے گھروں پر این آئی اے کے چھاپے، حریت اور جماعت اسلامی کے کارکنان کی گرفتاری اور عدالت عظمیٰ میں دفعہ 35اے کی سماعت کے خلاف متحدہ علیحدگی پسند رہنمائوں کی جانب سے دو روزہ ہڑتال کی کال دی گئی تھی۔
strike
ہڑتال کی کال کا اثر وادی کے سبھی اضلاع کے ساتھ ساتھ ضلع رام بن کے بانہال میں بھی دیکھنے کو ملا۔
ہڑتال کے سبب تمام دکانیں اور کاروباری مراکز بند رہے۔ سڑکوں سے پبلک ٹرانسپورٹ کی نقل و حمل معطل رہی۔ تاہم کہیں کہیں نجی گاڑیوں کی آمدورفت دیکھی گئی۔
انتظامیہ نے وادی کشمیر خصوصا سرینگر کے پائین شہر میں امن و قانون کی صورتحال کو برقرار رکھنے کے لیے حساس مقامات پر سکیورٹی کی اضافی نفری کو تعینات کیا ہے۔
دریں اثناء لائن آف کنٹرول پر لگاتار جنگ بندی کی خلاف ورزی، ہند و پاک کے مابین کشیدگی کے سبب وادی میں غیر یقینی صورتحال بنی ہوئی ہے۔
