الیکشن کمیشن کی اعلی سطحی ٹیم کشمیر کے دورے پر

بھارتی الیکشن کمیشن کی ایک اعلی سطحی ٹیم آج سرینگر پہنچ رہی ہے جہاں وہ آنے والے اسمبلی اور پارلیمانی انتخابات کے سلسلے میں صورتحال کا جائزہ لے گی۔

ریاستی الیکٹورل افسر شیلیندر کمار نے ای ٹی وی بھارت کو بتایا کہ بھارت کے چیف الیکشن کمیشنر سنیل اروڑہ سیمت دو الیکشن کمشنرز آج وادی کا دورہ کریں گے۔

اس دوران وہ اعلی افسران اور مین سٹریم کی سیاسی جماعتوں کے رہنماؤں کے ساتھ تبادلہ خیال بھی کریں گے۔

انہوں نے کہا کہ اعلی سطحی ٹیم کل جموں خطے کا دورہ کرے گی جہاں وہ تازہ سیاسی و سکیورٹی صورتحال کا جائزہ لے گی۔